Nova Vulgata2727,1Locutusque est Dominus ad Moysen dicens:
Nova Vulgata27,2«Loquere filiis Israel et dices ad eos: Homo, qui votum fecerit et spoponderit Deo animas, sub aestimatione dabit pretium:
Nova Vulgata27,3si fuerit masculus a vicesimo usque ad sexagesimum annum, dabit quinquaginta siclos argenti ad mensuram sanctuarii;
Nova Vulgata27,4si mulier, triginta.
Nova Vulgata27,5A quinto autem anno usque ad vicesimum masculus dabit viginti siclos, femina decem;
Nova Vulgata27,6ab uno mense usque ad annum quintum pro masculo dabuntur quinque sicli, pro femina tres;
Nova Vulgata27,7sexagenarius et ultra masculus dabit quindecim siclos, femina decem.
Nova Vulgata27,8Si pauper fuerit et aestimationem reddere non valebit, sistet eum coram sacerdote, et quantum ille aestimaverit et viderit posse reddere, tantum dabit.
Nova Vulgata 27,9Animal autem, quod immolari potest Domino, si quis voverit, sanctum erit
Nova Vulgata27,10et mutari non poterit, id est nec melius malo nec peius bono. Quod si mutaverit, et ipsum quod mutatum est et illud pro quo mutatum est, consecratum erit Domino.
Nova Vulgata27,11Animal immundum, quod immolari Domino non potest, si quis voverit, adducetur ante sacerdotem,
Nova Vulgata27,12qui diiudicans utrum bonum an malum sit, sicut statuet pretium, sic erit.
Nova Vulgata27,13Quod si redimere illud voluerit is qui offert, addet supra aestimationem quintam partem.
Nova Vulgata 27,14Homo si voverit domum suam et sanctificaverit Domino, considerabit eam sacerdos utrum bona an mala sit, et iuxta pretium, quod ab eo fuerit constitutum, stabit.
Nova Vulgata27,15Sin autem ille, qui voverat, voluerit redimere eam, dabit quintam partem aestimationis supra et habebit domum.
Nova Vulgata 27,16Quod si agrum possessionis suae voverit et consecraverit Domino, iuxta mensuram sementis aestimabitur pretium: si triginta homer hordei seritur terra, quinquaginta siclis aestimabitur argenti.
Nova Vulgata27,17Si statim ab anno iobelei voverit agrum, quanto valere potest, tanto aestimabitur.
Nova Vulgata27,18Sin autem post aliquantum temporis, supputabit ei sacerdos pecuniam iuxta annorum, qui reliqui sunt, numerum usque ad iobeleum, et detrahetur ex pretio.
Nova Vulgata27,19Quod si voluerit redimere agrum ille, qui voverat, addet quintam partem aestimatae pecuniae et possidebit eum.
Nova Vulgata27,20Sin autem noluerit redimere, sed alteri cuilibet vendiderit, ultra redimi non poterit;
Nova Vulgata27,21sed, cum iobelei venerit dies, sanctum erit Domino sicut ager anathematis; sacerdotis erit possessio eius.
Nova Vulgata27,22Quod si agrum emptum, qui non est de possessione maiorum, sanctificare voluerit Domino,
Nova Vulgata27,23supputabit ei sacerdos iuxta annorum numerum usque ad iobeleum pretium, quod dabit ille, qui voverat, in ipso die ut sanctum Domino.
Nova Vulgata27,24In anno autem iobelei revertetur ager ad priorem dominum, qui vendiderat eum et habuerat in sortem possessionis suae.
Nova Vulgata 27,25Omnis aestimatio siclo sanctuarii ponderabitur; siclus viginti gera habet.
Nova Vulgata 27,26Primogenita, quae de animalibus ad Dominum pertinent, nemo sanctificare poterit et vovere: sive bos sive ovis fuerit, Domini sunt.
Nova Vulgata27,27Quod si immundum est animal, redimet, qui obtulit, iuxta aestimationem et addet quintam partem pretii; si redimere noluerit, vendetur quanto fuerit.
Nova Vulgata 27,28Omne anathema, quod aliquis vir consecrat Domino de omni possessione sua, sive homo fuerit sive animal sive ager, non veniet nec redimi poterit; quidquid semel fuerit consecratum, sanctum sanctorum erit Domino.
Nova Vulgata27,29Et omnis homo, qui ut anathema offertur, non redimetur, sed morte morietur.
Nova Vulgata 27,30Omnes decimae terrae sive de frugibus sive de pomis arborum Domini sunt, sanctum Domino.
Nova Vulgata27,31Si quis autem voluerit redimere aliquid de decimis suis, addet quintam partem.
Nova Vulgata27,32Omnes decimae boves et oves et caprae, quae sub pastoris virga transeunt, quidquid decimum venerit, erit sanctum Domino.
Nova Vulgata27,33Non discernetur inter bonum et malum nec altero commutabitur; si quis mutaverit, et quod mutatum est et pro quo mutatum est, sanctum erit et non redimetur».
Nova Vulgata 27,34Haec sunt praecepta, quae mandavit Dominus Moysi ad filios Israel in monte Sinai.
