Nova Vulgata27 27,1Ne glorieris in crastinum ignorans, quid superventura pariat dies.
Nova Vulgata 27,2Laudet te alienus et non os tuum, extraneus et non labia tua.
Nova Vulgata 27,3Grave est saxum et onerosa arena, sed ira stulti utroque gravior.
Nova Vulgata 27,4Saevitas et erumpens furor, et coram zelo consistere quis poterit?
Nova Vulgata 27,5Melior est manifesta correptio quam amor absconditus.
Nova Vulgata 27,6Veriora sunt vulnera diligentis quam fraudulenta oscula odientis.
Nova Vulgata 27,7Anima saturata calcabit favum, et anima esuriens etiam amarum pro dulci sumet.
Nova Vulgata 27,8Sicut avis transmigrans de nido suo, sic vir errans longe a loco suo.
Nova Vulgata 27,9Unguento et ture delectatur cor et dulcedine amici in consilio ex animo.
Nova Vulgata 27,10Amicum tuum et amicum patris tui ne dimiseris et domum fratris tui ne ingrediaris in die afflictionis tuae. Melior est vicinus iuxta quam frater procul.
Nova Vulgata 27,11Stude sapientiae, fili mi, et laetifica cor meum, ut possim exprobranti mihi respondere sermonem.
Nova Vulgata 27,12Astutus videns malum absconditus est; simplices transeuntes multati sunt.
Nova Vulgata Tolle vestimentum eius, qui spopondit pro extraneo, et pro alienis aufer ei pignus.
13Alienis – Lege cum Gr
Nova Vulgata 27,14Qui benedicit proximo suo voce grandi mane consurgens, maledictio reputabitur ei.
Nova Vulgata 27,15Tecta perstillantia in die frigoris et litigiosa mulier comparantur;
Nova Vulgata 27,16qui retinet eam, quasi qui ventum teneat, et oleum dextera sua tenere reperietur.
Nova Vulgata Ferrum ferro exacuitur, et homo exacuit faciem amici sui.
17Exacuitur – Lege cum Vg et Targ juḥād Exacuit – Lege cum Gr, Syr, Vg et Targ jāḥēd
Nova Vulgata 27,18Qui servat ficum, comedet fructus eius; et, qui custos est domini sui, glorificabitur.
Nova Vulgata 27,19Quomodo in aqua facies prospicit ad faciem, sic cor hominis ad hominem.
Nova Vulgata 27,20Infernus et Perditio numquam implentur, similiter et oculi hominum insatiabiles.
Nova Vulgata 27,21Quomodo probatur in conflatorio argentum et in fornace aurum, sic probatur homo ore laudantis.
Nova Vulgata 27,22Si pilo contuderis stultum in pila quasi ptisanas, non auferetur ab eo stultitia eius.
Nova Vulgata 27,23Diligenter agnosce vultum pecoris tui; appone cor tuum ad greges,
Nova Vulgata 27,24non enim habebis iugiter divitias. Num corona tribuetur in generationem et generationem?
Nova Vulgata 27,25Nudata sunt prata, et apparuerunt herbae virentes, et collecta sunt fena de montibus;
Nova Vulgata 27,26agni ad vestimentum tuum, et haedi ad agri pretium;
Nova Vulgata 27,27sufficiat tibi lac caprarum in cibum tuum et in cibum domus tuae et ad victum ancillis tuis.